Rruga e Arbrit, Tirana dhe Dibra janë 2 orë larg me pak bakshish
Nga Bujar Karoshi

Kjo foto është nga ura e fshatit Fshat në Klos, e cila u bashkua më 25 nëntor 2020, duke e bërë plotësisht të kalueshme trasenë e Rrugës së Arbrit, përjashtuar tunelin e Murrizit, ku vazhdojnë punimet. Kjo urë është një nga gjashtë urat e Rrugës së Arbrit, e dyta për nga rëndësia, pas Urës së Vashës. Ajo është e gjatë 174 metra dhe e lartë 157 metra. Ndërsa Ura e Vashës, me gjatësi 316 metra dhe lartësi 152 metra, përfundoi në prill të vitit të kaluar. Të dy urat janë me konstruksione metalike, me elemente çeliku me karbon të saldueshëm.

Ndërsa pritej që kjo fushatë elektorale të sillte simbolikisht nisjen e qarkullimit në rrugën e Arbrit, qoftë edhe pjesërisht, duket se nuk do të ndodhë. Një punonjës i kompanisë, që kërkon të mbetet anonim, thonë se punimet po vazhdojnë normalisht, pa ngutje për inaugurime.
Por ndërkohë rruga është e hapur pjesërisht për kalim. Makinat e zyrtarëve lokalë në Dibër dhe atyre në Tiranë, po e përdorin rrugën për kalim për lëvizjet nga Tiranë-Dibër.…

Lexo më shumë

Balluku mbron ligjin: Rrisim prodhimin e energjisë, shpëtojmë nga përmbytja fushën e Nënshkodrës

Balluku: “Përveç prodhimit të energjisë nga vetë HEC-i i Skavicës, nëpërmjet optimizmit të kaskadës së Drinit do të rriten gjithashtu kapacitetet prodhuese për tre hidrocentralet ekzistuese, si dhe do të japë një zgjidhje të mirë, të thellë dhe të menjëhershme për përmbytjet në të gjithë zonën e nënshkodrës”.

Pamje nga fusha e Dibrës, e cila do të përfundojë nën ujërat e Skavicës

“Miratimi i projektligjit i hap rrugë ndërtimit të një nga veprave më ambicioze e më të domosdoshme për sektorin elektroenergjetik në vendin tonë”, tha në parlament ministrja Belinda Balluku, duke mbrojtur ligjin nr.…

Lexo më shumë

Shoqëria civile: Çdo projekt, pa miratimin e banorëve, është i papranueshëm dhe i dështuar
Debat

“Përse dibranët kundërshtojnë ndërtimin e Skavicës? A duhen dëgjuar banorët e zonave të prekura nga ky projekt?”. Kjo temë u trajtua gjatë një bisede online në televizionin lokal “TV DibraNews”.
Moderatori i emisionit, gazetari Islam Shehu, kishte të ftuar profesor Adem Bungurin, publicistin dhe gazetarin Abdurahim Ashiku, mjekun Hajrulla Nikolli dhe gazetarin Bujar Karoshi.
Ky është një projekt që në vitet 1980, tha në hyrje Islam Shehu.…

Lexo më shumë

Ç’kemi asaj Dibre!
Nga Bujar Karoshi

“Bora bllokon rrugët, por Dibra ka shpëtuar, se ka akoma një traktor të kohës së Enverit…” Foto: Bulqizaime.

Asaj Dibre ka filluar fushata… Na kanë hequr një deputet, por nuk na kanë hequr dëshirën për premtime…
Ata që janë në pushtet, thonë se kanë ndërtuar rrugë, ujësjellësa, kanë hapur vende pune e kanë gati projekte, por kërkojnë të tretin, që të mbajnë premtimet… Kush nuk i sheh sukseset, është veç me opozitën…
Ndërsa opozita do të bëjë mrekullira, sapo të fitojë me vota nga kutia…
Meqë është fushatë dhe gënjeshtra është e para, del e vërteta pa e kërkuar.…

Lexo më shumë

Bashkia jonë është me fat që e ka një si Ai…

Ne jemi me fat. Nuk e di si do t’ia kishim bërë në bashkinë tonë pa të.
Në vjeshtë, kur nga malet vijnë rrebeshe, gurë e stuhi, që bllokojnë rrugën e ujërat hyjnë në tokat tona, Ai është aty duke ndihmuar në rikthimin në normalitet. Ndonjëherë hyn edhe në mes të lumit dhe unë kam shumë frikë mos rrjedha e furishme e merr me vete… Unë nuk di si ta falënderoj dhe e nxjerr në Facebook, shoqëruar me një ❤️….…

Lexo më shumë

Dibër, zgjedhjet parlamentare: 73 kandidatë për 5 vende në parlament
Nga Bujar Karoshi

Dy partitë kryesore, PD dhe PS, janë në luftë të ashpër për mandatin e tretë, i cili rrezikohet nga kandidati i pavarur

Zgjedhjet për deputetë në Kuvendin e Shqipërisë, që do të mbahen më 25 prill 2021, në Dibër zhvillohen në kushtet kur i është hequr një mandat deputeti. Nga 6 vende në parlament, që ka pasur Dibra në të kaluarën, tashmë do të jenë 5.…

Lexo më shumë

Dhjetë pyetje kandidatëve për deputetë
Nga Selman Mëziu

1- A do ta çojnë tokën bujqësore, pyllin, kullotën tek i zoti? (Format, reforma, mënyrat, koha e realizimit.)
2- A do të mundin ta ndalojnë hemorragjinë e rinisë dibrane drejt kurbetit?
3- A do të ndalohet/lejohet ndërtimi i hidrocentralit të Skavicës që përmbyt gjysmën e sipërfaqes së tokës të Dibrës së poshtme bashkë me historinë e pasuritë e saj? Nëse po, si do të zhvendosen fshatrat, varrezat etj.?…

Lexo më shumë

8 vjet nga nisja e peticionit
Kujtesë qeveritarëve – të vjetër dhe të rinj – për Rrugën e Arbrit

Kur e nisëm këtë peticion, nuk e kishim menduar se kjo do të zgjaste 8 vite. Sepse premtimet e drejtuesit të opozitës në atë kohë dhe drejtuesit të qeverisë pas zgjedhjeve të vitit 2013 ishte se “rruga do të mbaronte brenda mandatit të parë qeverisës”. Ajo nuk mbaroi as të parin, por nuk po mbaron as të dytin.

Një mungesë transparence mbi këtë investim ka munguar gjithmonë, qoftë kur u miratua ligji special që ia jepte rrugën me koncension një kompanie kineze, qoftë faktit të anulimit të kësaj kontrate ose edhe kontratës së dytë me kompaninë shqiptare.…

Lexo më shumë

Asnjë zë asaj Dibre…
Nga Abdurahim Ashiku

Asnjë zë Bujar Karoshi, ASNJË ZË.
As asaj Dibre, as…
Asnjë zë në Kuvendin e Shqipërisë për zhdukjen e Dibrës, MBYTJEN e saj, harresën historike të saj.
Kuvendi i Shqipërisë me votat e shumicës dhe të pakicës vendosi të ndërtohet Skavica…
Të ndërtohet që mos përmbytet Shkodra!!!
O tempo o mores!
Mbyt një krahinë që të mos përmbytet një tjetër!
Çudi parlamentare në shkallën sipërore.…

Lexo më shumë