Ansambli Shtetëror i Këngëve dhe Valleve Popullore Shqiptare në Maqedoninë e Veriut u paraqit natën e parë të Festivalit Folklorik të Gjirokastrës me një repertor të përmbledhur nga të gjitha trevat shqiptare. Surpriza e paraqitjes ishte në mbyllje, me një këngë polifonike (video më poshtë), që përcolli emocione për spektatorët në Kalanë e Gjirokastrës.
Në repertorin e këtij Ansambli kishte shumë këngë nga Dibra, mes të cilëve mund të përmendim “Fusha e Korabit”, “Këngë për Suf Xhelilin”, “Na këndojnë pushkët nëpër kulla” etj.…
Kategori: KULTURE
PËR NJË ORË E GJYSMË NË TIRANË!
Dibranët gjatë fundjavave përmes Rrugës së Arbrit
Rruga e Arbrit, e cila ka një karakter mbarëkombëtar është një mundësi e madhe edhe për zhvillimin të krahinës së Dibrës por edhe qytetit të Dibrës. Këtë e pohojnë udhëheqësit vendor, biznesmenët por edhe qytetarët në përgjithësi. Rruga, e cila ka afruar qytetin e Dibrës me Tiranën për 1 orë e 30 minuta, është një garanci e mirë që dibranët të vizitojnë kryeqytetin shqiptar, por edhe qytete të tjera bregdetare, sidomos Durrësin
Nga Vjollca SADIKU
Dibër, 29 maj – Rruga e Arbrit, e cila u ndërtua nga qeveria shqiptare, ka ndryshuar dukshëm frekuentimin të dibranëve për të kaluar fundjavat jashtë Dibrës.…
Lexo më shumëNjë botim i ri folklorik: Në gjurmë të këngës dibrane
Nga HAJRI SHEHU
Libri është botuar nga shtëpia e mirënjohur botuese M&B, Tiranë, 2023. E ka përgatitur për botim Mirdash Shehu. Redaktore është Miranda Goleci.
Janë 320 këngë: këngë historike e këngë trimërie, këngë legjendare, këngë kurbeti e elegji, lirika e këngë fejese e dasme. Libri mbyllet me një fjalorth me fjalë nga të folmet krahinore, për t’i ardhur në ndihmë lexuesit.…
Lexo më shumëPeladhia – fshati magjik rrëzë Temlës, katund i arsimtarëve dhe trashëgimisë historike
Nga Adriatik Balla
Sot do t’u njohim me një fshat të veçantë, Peladhinë, që shtrihet në qarkun e Dibrës, në Bashkinë Bulqizë.
Peladhia është pjesë e njësisë administrative të Grykës së Madhe, njohur sot si Zerqani. Është një nga 13 fshatrat e kësaj njësie, pozicionuar në anën VP, në luginën e Zallit të Bulqizës dhe njësinë malore kufizuese në veri të saj.…
Lexo më shumëEseistika e Kadaresë, libri i ri i autorit Xhafer Martini
Libri “Eseistika e Kadaresë” është një vështrim kritik mbi esetë “Legjenda e legjendave”, “Kushëriri i engjëjve”, “Ra ky mort dhe u pamë” dhe “Ardhja e Migjenit në Letërsinë shqipe”
Me Ismail Kadarenë jam njohur kur ai ishte redaktor në gazetën “Drita” dhe unë student në fakultetin e Historisë dhe të Filologjisë, dega e Gjuhës dhe e letërsisë. I çova tre-katër vjersha për t’i parë dhe botuar.…
Lexo më shumëIdioticus, nga Artan Gjyzel Hasani
HOMO IDIOTICUS
fluturojnë në ajër edhe gomerët më në fund
me maska në fytyrë që të mos infektohet Marsi
kam lënë tymosjen që të shpëtoj planetin
një cigare e imja ndezur në Afrikë
shkrin ajsbergun tënd në Arktik
ujërat përmbytin trutë bashkë me qytetin
pikërisht kur ti je duke u martuar me një ndërtesë
natyrisht pasi je divorcuar nga një pemë
që të tradhëtonte me një burrë
që deri në orën 12 të mesditës është grua
janë shtuar shumë ata që hedhin gurin në lumë
aq shumë sa nuk ka kush ta kërkojë më
në këtë botë ku nuk humbet asgjë veç mendjes
dhe mendja e humbur është uterusi ku ngjizen idiotët
dema të lumtur pasqyruar kokëposhtë
në sytë melankolikë të lopës së jetës…
Homo Idioticus ndryshe nga vëllai i tij Sapiens
për një grusht para nuk i shet Djallit vetëm shpirtin
por edhe mendjen…
Homo Idioticus është çfarë ai thotë që është
dhe këtë ti duhet ta pranosh pa kushte
e për të ti je çka ai vendos sipas rastit të të quajë
misogjin, homofob, racist, fashist, armik i njerëzisë
ka mikrofonin në dorë, altoparlantin, kërbaçin dhe pushtetin
me peshoren sakate të drejtësisë jep verdikte
ku inteligjenca jote shpallet kriminale, e jashtëligjshme
e dëmshme për fëmijët e 50 hijeve të Gjinisë…
rri në shtëpi dhe në ekran më shfaqet veç fytyrë e tij
me nofulla katrore dhe pa tipare
Homo Idioticus par exellence
shtyp butonin, ndërroj kanalin
por s’kam ku ta çoj, kudo shfaqet ai
e mbyll dhe marr udhën për në dyqanin e armëve
tjetër zgjidhje s’ka
duhet blerë një pistoletë patjetër…
në mos për ata
për veten…
NEKROLOGJI PËR ATA QË S’KANË VDEKUR AKOMA
Njeriun Natyral e shpallën të vjetëruar
dhe mendjet perverse krijuan Njeriun e Ri
në laboratorët ku prej kohësh nuk ka më minj
siç krijuan më parë lule të bukura pa erë
dhe Delen Dolly dhe deledashët
me vështrimin e pikëlluar
krim dhe idiotësi përzjerë
në raportin një me një…
ruhuni nga zhdukja, o njerëz të vjetër,
po shtohen çdo ditë ata që nuk e dinë ç’janë
me sy metalikë si dyert e varrezës tuaj
krijesa plastike pa din e iman
kujdes, o të vjetëruar!…
Lexo më shumëPoezia e Canametit, një kambanë e shqetësimit njerëzor
Nga MEVLUD BUCI
Në vite e ngjarje të Matit, Bajrami ka qenë dhe do të mbetet kronikani i dritëlirisë. Vargjet e tij pasyrojnë jetën, vlerat atdhetare, kullat, njerëzit e mirësisë. Që në moshë të re, Bajrami është marrë me poezi. Krijimet e para i botoi në gazetat “Adriatiku”, “Zëri i Rinisë”, “Puna” në revistën “Nëntori”. Në vitin 1974 arriti të botojë një almanak me poezi dhe dramën “Vajza dhe pushka”.…
Lexo më shumëNjeriu nuk kuptohet me vdekjen
Zoti, kur mësoi se ëngjëlli Xhebril po shkaktonte panik tek njerëzit, urdhëroi që ai të jetonte midis tyre, por me pamje të ndryshuar që të mos e njihnin. Por ata që dikur i ndruheshin dhe e urrenin, tani donin ta takonin për të mësuar sa më shumë rreth vdekjes, sepse vdekjet u bënë shumë të shpeshta, të pakuptueshme, të cilat vinin prej qindra shkaqesh, disa prej tyre mjaft banale.…
Lexo më shumëAnekdota Mblodhi: Shaqir Skara
Jepi ujë kalit
Një udhëtar, hipur mbi kalë, u ndal tek një bunar në qoshe të fshatit me i dhanë ujë kalit. Aty ishte një nuse e re tue la tesha. Kjo i hapi vend udhëtarit me pi ujë kali, e udhëtari jabanxhi, duke pa nusen, filloi me fishkëllye.
Atëherë kjo nuk duroi ma, por mori një kovë me ujë të nxehtë edhe ia hodhi udhëtarit fytyrës, duke i thanë:
– Jepi kalit ujë e mos fishkëlle në bunar të huej!…
Lexo më shumëLegjendë
Thana e skënderbeut
Në fshatin Sinë ndodhen shumë toponime që lidhen me heroin tonë kombëtar, Gjergj Kastriotin, Skënderbeun. Një toponim i tillë është edhe “Thana e Skënderbeut”. Thonë se pikërisht në këtë vend kulloste kali i Skënderbeut, në ditë pushimi, kur kryetrimi nuk kishte beteja. Kali hante e ujë s’pinte, pasi ishte toka e tillë që mbante ujë. Po si dhe pse i mbeti ky toponim?…
Lexo më shumë